VI Concurso Galego de Robótica

      Esta semana fomos a Coruña a participar no VI Concurso de robótica. Fomos os gañadores do día nas categorías de ESO e na de Bacharelato. O grupo de 4º ESO (Lucía, Carme, Moisés e Sara) conseguiu manterse primeiro ata o mércores, que pasaron a ocupar a segunda posición. Finalmente, tras as competicións do venres, quedaron cuartos. O grupo de bacharelato (Israel, David e Alex) pasou á terceira posición o martes e mantívose nela ata o xoves. Finalmente, quedaron tamén na cuarta posición. En fin, que a semana estivo emocionante e non me queda máis que darvos a miña máis sincera noraboa. Fixéchedelo moi, moi ben.
      Saquei unhas fotiños, poucas e de pouca calidade, mais aí van...

Concurso robotica from Emma Vedo

Coche solar II

Outro grupo de alumnos e a mesma idea...

Coche solar

Os alumnos de bacharelato andan argallando cos robots e aproveitando que esta avaliación estivemos traballando os temas relacionados coa enerxía....

 

Apoio ao ensino da Tecnoloxía

A nova lei de educación pretende reducir o ensino de Tecnoloxía na ESO e eliminar o bacharelato tecnolóxico. Supoño que o ministro pensaría que para que queremos formar a enxeñeiros se despois teñen que marchar a Alemaña a traballar....

En fin, se cres que isto non debería ser así, que hai que ensinar tecnoloxía, que a tecnoloxía é cultura, que non podemos falar de investigación, innovación, TIC e quedarnos niso, en só falar; se cres nun sistema educativo moderno e nunha materia integradora, cunha metodoloxía de proxectos onde os alumnos e as alumnas aplican o aprendido e non se limitan a ser un disco duro no que almacenar información...

Entón firma a seguinte petición:

https://www.change.org/es/peticiones/en-apoyo-de-la-educaci%C3%B3n-tecnol%C3%B3gica